mánudagur, janúar 31, 2005 :::
 
Hæ,
Nú er Guðni Ágústsson forsætisráðherra í fjarveru forsætisráðherrans. Það er vonandi að einhverjir tignir og hágöfugir gestir frá útlöndum fari ekki þvælast hingað upp á skerið til að skoða dýrð og dásemdir norðurhjarans. Við gætum átt á hættu að Guðni Ágústsson tæki á móti þeim, léti þá kyssa beljurassa, træði í þá SS-pylsum og papriku og segði þeim frá því þegar hann tók léttasóttina, sem yrði líklega nokkuð spaugilegt í erlendri þýðingu. Við hér á landi, sem höfum kímnigáfu og umburðarlyndi til að bera í ríkum mæli, getum hlegið dátt að öllu því sem vellur upp úr Guðna og glaðst yfir því að Spaugstofumönnumn og áramótaskaupi er séð fyrir úrvalsefni, enda hefur það lengi verið háttur okkar að færa okkur í nyt fáránleg tilsvör manna við einföldum atriðum og staðhæfingar, sem eru út í hött. Þeir sem aftur á móti þekkja ekki inn á sálarlíf Frónbúa, gætu bara álitið að Íslendingar hefðu skipað hirðfífl í stöðu forsætisráðherra og við orðið að athlægi um heim allan. Þá er hætt við að íslenska þjóðarsálin kæmi ekki eins vel út í Hádújúlækæsland. Okkur yrði vafalítið gefin sú einkunn að forsætisráðherrann íslenski ætti heima á heimili fyrir þroskahefta einstaklinga, en ekki í forsætisráðuneytinu.
Kveðja,
Bekka


::: posted by Bergthora at 6:31 e.h.